शिक्षक हे सामाजिक परिवर्तनाचे दूत-

प्राचार्य डॉ . आय.सी. शेख

कोल्हापूर/मारुती फाळके

      सध्या समाजात  संस्कारमुल्ये पेरण्याचे काम केवळ शिक्षक हेच करत आहेत म्हणून शिक्षक हेच समाज परिवर्तनाचे दूत आहेत ” असे प्रतिपादन जिल्हा शिक्षण व प्रशिक्षण संस्था कोल्हापूरचे प्राचार्य मा. डॉ. आय. सी.शेखसो यांनी केले . ते खाजगी प्राथ शिक्षक सेवक सह . पतसंस्थेच्या आदर्श शिक्षक पुरस्कार व विधार्थी पारितोषिक वितरण समारंभात प्रमुख पाहुणे म्हणून  बोलत होते . कार्यक्रमाच्या अध्यक्षस्थांनी पतसंस्थेचे संस्थापक व तज्ञ संचालक भरत रसाळे  होते .

       डॉ शेख यांनी सहकारातही शिक्षण महत्वाचे असलेचे सांगून त्यांनी पतसंस्था राबवत असलेल्या विविध उपक्रमांचे कौतुक केले . कार्यक्रम मुख्याध्यापक संघ शिवाजी पार्क कोल्हापूर येथे मोठ्या उत्साहात संपन्न झाला.

        कार्यक्रमाच्या अध्यक्ष स्थानावरून बोलताना संस्थेचे संस्थापक श्री भरत रसाळे म्हणाले,संस्थेच्या प्रत्येक निर्णयात पारदर्शीपणा आणि सर्व सभासदांचे बहुमोल सहकार्य लाभले आहे त्यामुळेच प्रगतीचा आलेख वाढत चालला आहे “

     संस्थेचे चेअरमन श्री शिवाजी भोसले यांनी संस्थेच्या प्रगतीचा आढावा घेतला.  .तसेच संस्था राबवत असलेल्या विविध उपक्रमांची माहिती दिली यावेळी स्वागत पतसंस्थेच्या व्हा .चेअरमन सौ माधुरी घाटगे यांनी केले तर आभार संचालक शिवाजी सोनाळकर यांनी मानले . सूत्रसंचालन संचालिका रोहिणी येडगे यांनी केले .

पतसंस्थेच्या वतीने आदर्श शिक्षक पुरस्कार सर्वश्री अतार गुलाब बादशहा, सौ शिंत्रे शोभा प्रकाश, रास्ते स्वाती ज्ञानू, नाईक पिंटू शिवाजी , सौ.संघर्षी वैशाली अमरसिंह यांना देवून सन्मानित करण्यात आले. तर विशेष आदर्श शिक्षक पुरस्कार श्री सावंत तानाजी गणपती व आदर्श शिक्षकेतर कर्मचारी पुरस्कार श्री सातपुते विजय गणपत यांना देण्यात आला हिरकणी पुरस्कार नाळे मीनाक्षी विलास व कै. रणजीत पाटील कलाभिनय पुरस्कार श्री आयरे संतोष बाबुराव व सौ डावरे सुनीता महादेव यांना देण्यात आला*

यावेळी  सभासदांच्या मुलांनी मिळवलेल्या यशाबद्दल त्यांचाही सत्कार करण्यात आला तसेच सभासदांच्या इयत्ता पहिली ते पदव्यूतर पर्यंतच्या  पाल्यांना शैक्षणिक पारितोषिके देऊन गौरविण्यात आले

यावेळी संचालक सर्वश्री श्री सूर्यकांत बरगे ,श्री मच्छिंद्र नाळे ,श्री साताप्पा कासार श्री सर्जेराव नाईक, श्री कृष्णात चौगुले ,श्री वसंत पाटील ,श्री अमित परीट सौ वर्षाराणी वायदंडे ,श्री राजेश कोंडेकर ,श्री संतोष आयरे ,श्री राजेंद्र कोरे, सल्लागार समिती सदस्य श्री संभाजी सुतार, श्री अप्पासो वागरे,श्री पंडित मस्कर ,श्री चंद्रकांत वाकरेकर, श्री दशरथ कांबळे सौ विद्या पाटील व व्यवस्थापक श्री सदाशिव साळवी, यांच्यासह मुख्याध्यापक शिक्षक कर्मचारी मोठया संख्येने उपस्थित होते.

(फोटो ओळी- उपक्रमशील,पुरस्कारप्राप्त शिक्षकांच्या सोबत प्राचार्य आय सी शेख,भरत रसाळे व मान्यवर आदी.)